{"id":9093,"date":"2024-01-25T12:24:59","date_gmt":"2024-01-25T11:24:59","guid":{"rendered":"https:\/\/observator.org.al\/?p=9093"},"modified":"2024-01-25T12:24:59","modified_gmt":"2024-01-25T11:24:59","slug":"ripostim-terma-reference-ekspert","status":"publish","type":"post","link":"https:\/\/observator.org.al\/sq\/ripostim-terma-reference-ekspert\/","title":{"rendered":"Ripostim-Terma Reference – Ekspert"},"content":{"rendered":"

Shpallur me dat\u00eb<\/strong>: 10 Janar 2024<\/p>\n

Shtyhet deri m\u00eb<\/strong>: 02 Shkurt 2024<\/p>\n

Titulli\/ L\u00ebnda: <\/strong>Observatori hap thirrjen p\u00ebr ekspertiza sipas fushave t\u00eb programeve dhe fton eskperte t\u00eb shprehin interesin e tyre ( ishte brenda dt. 25 Janar 2024) shtyhet deri me 02 Shkurt 2024.<\/em><\/p>\n

Observatori p\u00ebr t\u00eb Drejtat e F\u00ebmijve dhe t\u00eb Rinjve (Observatori) u ngrit si nj\u00eb program i UNICEF (n\u00eb vitin 2009 ) n\u00eb Shqip\u00ebri, nj\u00eb struktur\u00eb e par\u00eb e shoq\u00ebris\u00eb civile p\u00ebr monitorimin e t\u00eb drejtave t\u00eb f\u00ebmij\u00ebve n\u00eb nivel vendor. Observatori u regjistrua m\u00eb 30 maj 2013 (vendimi i gjykat\u00ebs nr. 813), dhe funksionon si nj\u00eb struktura v\u00ebzhguese dhe mobilizuese, bazuar n\u00eb nivel rajonal. Ajo operon me misionin p\u00ebr t\u00eb garantuar dinjitetin dhe mir\u00ebqenien e f\u00ebmij\u00ebve dhe t\u00eb rinjve n\u00eb t\u00eb gjith\u00eb Shqip\u00ebrin\u00eb n\u00ebp\u00ebrmjet v\u00ebzhgimit, k\u00ebrkimit dhe analiz\u00ebs, komunikimit dhe avokimit; duke bashk\u00ebpunuar me aktor\u00eb\/institucione t\u00eb tjera; dhe duke u angazhuar n\u00eb fushata nd\u00ebrgjegj\u00ebsimi dhe edukimi publik. Observatori \u00ebsht\u00eb i pranish\u00ebm n\u00eb t\u00eb gjith\u00eb vendin me dymb\u00ebdhjet\u00eb ekspert\u00eb rajonal\u00eb (nj\u00eb p\u00ebr \u00e7do rajon t\u00eb vendit).<\/p>\n

Gjat\u00eb k\u00ebtyre 10 viteve t\u00eb zbatimit t\u00eb projekteve dhe programeve ne kemi fuqizuar rrjetin ton\u00eb n\u00eb t\u00eb gjitha rajonet, kemi qen\u00eb aktive me programe t\u00eb ndryshme fuqizimi dhe mobilizimi, kemi b\u00ebr\u00eb m\u00eb t\u00eb fort\u00eb pranin\u00eb ton\u00eb n\u00eb shoq\u00ebrin\u00eb shqiptare dhe kemi avancuar bashk\u00ebpunimin n\u00eb rrjet nga niveli komb\u00ebtar n\u00eb at\u00eb lokal. Observatori ka zbatuar tashme 80 projekte, duke trajtuar nd\u00ebr t\u00eb tjera monitorimin e planeve (komb\u00ebtare dhe vendore), strategjit\u00eb, zbatimin e ligjeve q\u00eb synojn\u00eb f\u00ebmij\u00ebt dhe familjet me probleme ekonomike dhe t\u00eb rinjt\u00eb jasht\u00eb sistemit arsimor apo tregut t\u00eb pun\u00ebs; Observatori ka zhvilluar plane p\u00ebr ngritjen e kapaciteteve p\u00ebr grupet e synuara me baz\u00eb, mbi gjetjet e monitorimit dhe praktikat nd\u00ebrkomb\u00ebtare, t\u00eb prezantuara fal\u00eb partneritetit t\u00eb donator\u00ebve.<\/p>\n

Observatori \u00ebsht\u00eb angazhuar p\u00ebr nj\u00eb iniciativ\u00eb t\u00eb p\u00ebrbashk\u00ebt me ministrit\u00eb e linj\u00ebs si Ministria e Pun\u00ebve t\u00eb Brendshme, Ministria e Arsimit dhe Sportit, Ministria e Sh\u00ebndet\u00ebsis\u00eb dhe Mbrojtjes Sociale, Ministri i Shtetit p\u00ebr Rinin\u00eb, nj\u00ebsit\u00eb e qeverisjes vendore, si dhe organizata t\u00eb tjera nd\u00ebrkomb\u00ebtare p\u00ebr forcimin e nd\u00ebrhyrjeve n\u00eb sisteme dhe ligje, p\u00ebr ofrimin e politikave dhe sh\u00ebrbimeve t\u00eb q\u00ebndrueshme dhe t\u00eb integruara t\u00eb mbrojtjes s\u00eb f\u00ebmij\u00ebve dhe t\u00eb rinjve.<\/p>\n

P\u00ebr t\u00eb arritur q\u00ebllimin dhe objektivat strategjike, Observatori angazhohet n\u00eb procese q\u00eb k\u00ebrkojn\u00eb nj\u00eb ekspertiz\u00eb t\u00eb nivelit t\u00eb lart\u00eb n\u00eb fush\u00ebn e mbrojtjes s\u00eb f\u00ebmij\u00ebve, pun\u00ebs s\u00eb f\u00ebmij\u00ebve, trafikimit dhe shfryt\u00ebzimit t\u00eb f\u00ebmij\u00ebve, drejt\u00ebsis\u00eb p\u00ebr t\u00eb miturit, zhvillimit t\u00eb t\u00eb rinjve, reduktimit t\u00eb rrezikut nga fatkeq\u00ebsit\u00eb, arsimit gjith\u00ebp\u00ebrfshir\u00ebs, qeverisje t\u00eb mir\u00eb dhe decentralizimin e sh\u00ebrbimeve p\u00ebr f\u00ebmij\u00ebt, familjen dhe komunitetet m\u00eb vulnerab\u00ebl. K\u00ebto procese nd\u00ebrmerren kryesisht nga ekspert\u00eb t\u00eb jasht\u00ebm n\u00eb mbik\u00ebqyrje t\u00eb ngusht\u00eb dhe n\u00eb bashk\u00ebpunim me stafin teknik t\u00eb Observatori.<\/p>\n

N\u00eb k\u00ebt\u00eb kuad\u00ebr Observatori po hap k\u00ebt\u00eb thirrje p\u00ebr shprehje interesi dhe dakortesi angazhimi p\u00ebr ekspert\u00eb\/konsulent\u00eb q\u00eb do t\u00eb konkurrojn\u00eb p\u00ebr t\u00eb qen\u00eb pjes\u00eb e list\u00ebs s\u00eb konsulenc\u00ebs se 3 viteve te ardshme (2024-2027),<\/em> t\u00eb cil\u00ebt\u00a0 ofrojn\u00eb nj\u00eb s\u00ebr\u00eb sh\u00ebrbimesh n\u00eb fusha t\u00eb ndryshme ekspertize si\u00e7 specifikohet n\u00eb seksionet m\u00eb posht\u00eb.<\/p>\n

Llojet e ekspertiz\u00ebs\/konsulenc\u00ebs s\u00eb k\u00ebrkuar:<\/p>\n