Njoftim për Shtyrjen e Afatit për Dorëzimin e Ofertave

Titulli: “Procedurë prokurimi për kontraktimin e shërbimeve të ekspertizës së jashtme për zbatimin e aktiviteteve të projektit “RISTOR – Rural Innovation Centres for Sustainable and Inclusive Tourism”

Programi Interreg VI-A IPA Greqi – Shqipëri 2021–2027

Autoriteti Kontraktor:

Observatori për të Drejtat e Fëmijëve dhe të Rinjve

Data e publikimit: 27/ 02/ 2026

Data e ripublikimit: 02 / 04 / 2026

Afati i fundit për dorëzimin e ofertave: 03/ 04/ 2026, ora 17:00

Afati i rishikuar për dorëzimin e ofertave: 15/ 04/ 2026, ora 17:00

Observatori për të Drejtat e Fëmijëve dhe të Rinjve (“Observatori”) është një organizatë jofitimprurëse e themeluar në vitin 2013, e cila punon për promovimin dhe mbrojtjen e të drejtave dhe mirëqenies së fëmijëve dhe të rinjve përmes kërkimit shkencor, analizës së politikave, advokimit, ngritjes së kapaciteteve, si dhe bashkëpunimit me institucionet publike dhe aktorët kryesorë.

Kjo procedurë prokurimi zbatohet në kuadër të projektit “Rural Innovation Centers for Sustainable and Inclusive Tourism (RISTOR)”, i cili është miratuar për zbatim në kuadër të Thirrjes së Parë për Propozime për Projekte të Përbashkëta të Programit të Bashkëpunimit INTERREG (VI-A) IPA CBC “Greece–Albania 2021–2027”, nën Aksin Prioritar 3, Objektivi Specifik RSO4.

1. QËLLIMI

Observatori në kuadër të zbatimit të projektit RISTOR, fton subjekte juridike (kompani/organizata) dhe persona fizikë të regjistruar që ofrojnë shërbime profesionale dhe disponojnë një NIPT aktiv, të paraqesin ofertat e tyre për kontraktimin e shërbimeve të ekspertizës së jashtme për zbatimin e aktiviteteve të projektit RISTOR.

“Kjo procedurë prokurimi zhvillohet në përputhje me rregullat e përcaktuara në Interreg VI-A IPA Greece–Albania 2021–2027 Programme Manual (Kapitulli: Zbatimi i Projektit – Prokurimi Publik), me parimet përkatëse të Bashkimit Evropian dhe ato kombëtare për prokurimin publik, si dhe me rregullat e brendshme të menaxhimit financiar të Observatorit.”

2. STRUKTURA E LOT-EVE

Kjo procedurë zhvillohet me:

• LOT 1 – Ekspert i jashtëm për menaxhim dhe koordinim të projektit (D.1.2) – Buxheti indikativ: 4,000 EUR
• LOT 2 – Ekspertë për hartimin e analizës së aktorëve dhe analizës së tregut për turizëm të qëndrueshëm (rajoni Korçë) (D.4.1 & D.4.2) – Buxheti indikativ: 16,200 EUR
• LOT 3 – Hartim dhe zbatim i programit të trajnimit për turizëm të qëndrueshëm dhe gjithëpërfshirës (D.4.5 & D.5.2) – Buxheti indikativ: 11,300 EUR
• LOT 4 – Zhvillim i modeleve të biznesit dhe planit lokal të veprimit (D.4.3 & D.5.1) – Buxheti indikativ: 9,000 EUR
• LOT 5 – Shërbime ekspertize për evente rrjetëzimi dhe mbështetje për platformën e turizmit (D.5.3 & D.5.4) – Buxheti indikativ: 12,900 EUR

3. PJESËMARRJA NË LOT-E

Në këtë procedurë mund të aplikojnë subjekte juridike (kompani/organizata) dhe persona fizikë të regjistruar që ofrojnë shërbime profesionale dhe disponojnë një NIPT aktiv. Të interesuarit mund të paraqesin ofertë:

• për një (1) LOT,
• për më shumë se një LOT, ose
• për të gjithë LOT-et,

me kusht që të përmbushin kriteret e kualifikimit dhe kërkesat teknike të përcaktuara për secilin LOT për të cilin aplikojnë.

Çdo LOT do të vlerësohet në mënyrë të pavarur. Për secilin LOT mund të lidhet një kontratë e veçantë.

Autoriteti Kontraktor rezervon të drejtën të shpallë fitues të ndryshëm për LOT-e të ndryshme ose të akordojë më shumë se një LOT të njëjtit ofertues, nëse ai përmbush kriteret dhe renditet i pari në vlerësimin përkatës.

4. KËRKESA TË DETYRUESHME PËR APLIKIMIN NË MË SHUMË SE NJË LOT

Për çdo LOT për të cilin aplikon, ofertuesi duhet të paraqesë dokumentacion teknik dhe financiar të plotë, të ndarë qartazi dhe të identifikuar specifikisht për secilin LOT.

Mosparaqitja e dokumentacionit të ndarë për secilin LOT mund të çojë në skualifikimin e ofertës për LOT-in përkatës.

Kapaciteti teknik dhe financiar do të vlerësohet veçmas për secilin LOT për të cilin paraqitet ofertë.

5. SPECIFIKIMET DHE TERMAT E REFERENCËS

Specifikimet e detajuara për secilin LOT përfshihen në Termat e Referencës (ToR), të cilat janë pjesë integrale e kësaj Thirrjeje (Aneks C).

6. BURIMI I FINANCIMIT

Kjo procedurë prokurimi zbatohet në kuadër të projektit “Rural Innovation Centers for Sustainable and Inclusive Tourism (RISTOR)”, i cili është miratuar për zbatim në kuadër të Thirrjes së Parë për Propozime për Projekte të Përbashkëta të Programit të Bashkëpunimit INTERREG (VI-A) IPA CBC “Greece–Albania 2021–2027”, nën Aksin Prioritar 3, Objektivi Specifik RSO4.

7. GJUHA

Gjuha e punës për këtë procedurë prokurimi është shqip, megjithatë nuk ka nevojë të përktheni në shqip çdo çertifikim të marrë nga Institucionet Qeveritare dhe kontratat/ çertifikimet / referencat e marra nga palët e treta në anglisht.

8. DOKUMENTET QË DUHET TË PARAQESË OFERTUESI

Dokumentet që duhet të paraqesë ofertuesi janë:

1. Përshkrim i shkurtër i Propozimit Teknik/ Metodologjik për LOT-in, duke përfshirë qasjen metodologjike, aktivitetet kryesore, rezultatet e pritshme.
2. Oferta financiare e detajuar (kostot për orë/ditë pune), brenda buxhetit maksimal të LOT-it.
3. Dokumenti i Regjistrimit Ligjor
   • Për kompanitë: Ekstrakt nga Qendra Kombëtare e Biznesit ose ekuivalente, që konfirmon statusin ligjor dhe fushën e veprimtarisë në lidhje me këtë procedurë prokurimi.
   • Për ekspertët individualë: Dokument që vërteton regjistrimin si person fizik i regjistruar me NIPT për ofrimin e shërbimeve profesionale.
4. Deklaratë mbi Gjendjen Ligjore e nënshkruar nga ofertuesi (jo më e vjetër se 3 muaj) që konfirmon se:
   • nuk është në falimentim ose likuidim;
   • nuk është subjekt i procedurave gjyqësore që mund të ndikojnë në realizimin e kontratës;
   • nuk është dënuar për shkelje profesionale.
5. Vërtetim për Shlyerjen e Detyrimeve Tatimore dhe të Sigurimeve Shoqërore, i lëshuar nga Drejtoria e Tatimeve, që konfirmon se aplikanti nuk ka detyrime të papaguara.
6. Minimalisht 1 referencë/kontratë e ngjashme e përfunduar (ose vërtetim)/ raport/produkt i ngjashëm
7. CV e ekspertit(ëve) që dëshmon përvojën profesionale dhe ekspertizën në fushën përkatëse.
8. Deklaratat e Ofertuesit:
   • Aneks A – Deklarata e Ofertuesit
   • Aneks B – Deklarata e Mungesës së Konfliktit të Interesit

9. DORËZIMI I OFERTAVE

Afati i fundit për dorëzimin e ofertave është shtyrë në datën 15 Prill 2026, ora 17:00 nga data ekzistuese 03 Prill 2026, ora 17:00. Ofertat e paraqitura pas këtij afati nuk do të merren në konsideratë. Operatorët ekonomikë ose ekspertët individualë të interesuar duhet të dorëzojnë ofertën e tyre së bashku me të gjithë dokumentacionin e kërkuar në zarf të mbyllur ose nëpërmjet email.

Dorëzimi i ofertave dorazi, ose me postë duhet të bëhet në adresën e mëposhtme:

Observatori për të Drejtat e Fëmijëve dhe të Rinjve

Rruga “Brigada e VIII”

Pall. LID, Kati 1, Zyra 1

Tiranë, Shqipëri

Oferta Financiare dhe dokumentacioni tjeter teknik/kualifikues duhet te jene te ndara ne zarfe te vecanta.

Zarfi duhet:

• Të mbajë emrin, numrin e idenfikimit (NIPT) dhe adresën e ofertuesit;
• T‘i adresohet Observatorit në adresën e përshkruar më lart;
• Të ketë të shënuar titullin e tenderit – Procedurë prokurimi për kontraktimin e shërbimeve të ekspertizës së jashtme për zbatimin e aktiviteteve të projektit “RISTOR – Rural Innovation Centres for Sustainable and Inclusive Tourism;
• Të ketë të shënuar numrin e Lotit për të cilin po aplikon;
• Të ketë të shënuar në krye të zarfit njoftimin “Të mos hapet para kohës dhe datës së hapjes së Ofertave”

Dorëzimi i ofertave me email duhet të bëhet në postën elektronike: hr@observator.org.al

Oferta Financiare dhe dokumentacioni tjeter teknik/kualifikues duhet te jene te ndara ne emaile te vecanta.

Titulli i email duhet të:

• Të mbajë emrin, numrin e idenfikimit (NIPT);
• Të ketë të shënuar titullin e tenderit – Procedurë prokurimi për kontraktimin e shërbimeve të ekspertizës së jashtme për zbatimin e aktiviteteve të projektit “RISTOR – Rural Innovation Centres for Sustainable and Inclusive Tourism;
• Të ketë të shënuar numrin e Lotit për të cilin po aplikon;
• Të ketë specifikuar Dokumenta Teknike apo Ofertë Financiare

10. VLERËSIMI I OFERTAVE

Vlerësimi do të kryhet në dy faza: vlerësim teknik dhe vlerësim financiar.

Kontrata do të akordohet bazuar në renditjen përfundimtare të ofertave të kualifikuara për secilin LOT.

• Vlerësimi Teknik

Ofertat do të vlerësohen fillimisht për përputhshmërinë e tyre teknike, duke vlerësuar kapacitetin e ofertuesit për të realizuar me sukses furnizimin e pajisjeve të kërkuara në përputhje me specifikimet teknike.

10.2     Vlerësimi financiar

Vlerësimi financiar pason vlerësimin teknik dhe bazohet në çmimin e ofertës. Kriteri i kostos vlerësohet duke i dhënë ofertës më të ulët të kualifikuar vendin e parë në renditje e kështu me radhë deri tek oferta më e lartë ekonomike qe do te zërë vendin e fundit në renditje.

• Shpallja e Fituesit të Kontratës

Kontrata do të akordohet mbi bazën e renditjes përfundimtare të ofertave të kualifikuara, në përputhje me kriteret e vlerësimit të përcaktuara në dokumentacionin e tenderit. Ofertuesi fitues do të njoftohet me shkrim dhe mund t’i kërkohet të paraqesë dokumentet origjinale për verifikim.

• INFORMACION SHTESË

• Të gjitha dokumentet e tenderit duhet të plotësohen plotësisht, në mënyrë që të shmanget skualifikimi.
• Ofertat duhet të përgatiten në përputhje të plotë me dokumentacionin e tenderit.
• Asnjë ofertues nuk lejohet të ndryshojë apo të modifikojë kushtet dhe termat e përcaktuara në dokumentet origjinale të tenderit.
• Kërkesat për sqarime duhet të paraqiten me shkrim jo më vonë se tre (3) ditë pune përpara afatit të dorëzimit të ofertave.
• Kërkesat për sqarime mund të dërgohen në adresën e mëposhtme:

📧 info@observator.org.al

• Përgjigjet do të jepen brenda dy (2) ditëve pune nga momenti i marrjes së kërkesës

• MASHTRIMI DHE KORRUPSIONI

Observatori kërkon që aplikantët të respektojnë standardet më të larta të etikës gjatë prokurimit dhe ekzekutimit të kontratave. Në ndjekje të një politike të tillë, Observatori përcakton për qëllimin e kësaj dispozite, termat e përcaktuara më poshtë:

1. “Praktikë korruptive” nënkupton Ofertimin, dhënien, marrjen ose kërkimin e çfarëdo vlere për të ndikuar veprimin e një zyrtari publik në procesin e prokurimit ose në ekzekutimin e kontratës.
2. “Praktika mashtruese” do të thotë një keqpërfaqësim i fakteve me qëllim të ndikimit të një procesi të prokurimit ose ekzekutimit të një kontrate në dëm të Observatorit dhe përfshin praktikat sekrete të marrëveshjeve të paligjshme midis tenderuesve (para ose pas paraqitjes së ofertës) të dizajnuara për të vendosur çmimet e ofertës në nivele artificiale, jo konkurruese dhe të privojë huamarrësin nga përfitimet e konkurrencës së lirë dhe të hapur.

Observatori do të refuzojë një propozim nëse përcakton që Ofertuesi është angazhuar në praktika korruptive ose mashtruese në konkurrencën e kontratës. Observatori gjithashtu do të deklarojë një firmë të papërshtatshme për dhënien e një kontrate, ose në një kohë të pacaktuar ose për një periudhë të caktuar kohe, nëse përcakton që firma është angazhuar në praktika korruptive ose mashtruese në konkurrencë, ose në ekzekutimin e një kontrate të financuar nga Observatori.

Kontakti i drejtpërdrejtë me punonjësit ose menaxherët e Observatorit në lidhje me paraqitjen tuaj gjatë periudhës së vlerësimit të tenderit është i ndaluar.

Cdo përpjekje e tenderuesve për të ndikuar në përfaqësuesit e Observatorit në vlerësimin e ofertave ose vendimeve për dhënien e kontratës, do të rezultojë në refuzimin e menjëhershëm të ofertës së tyre.

• ETIKA

Gjatë kohës së bashkëpunimit me Observatorin, Ofertuesi duhet të respektojë politikat e brendshme të Observatorit dhe duhet të mbrojë gjithmonë interesat dhe të drejtat e fëmijëve dhe të rinjve, sipas politikës dhe legjislacionit të mbrojtjes së të drejtave të fëmijëve dhe të rinjve; dhe të verë këto interesa mbi interesin e tij/saj personal si dhe të mos kryejë akte që kompromentojnë apo dëmtojnë fëmijët dhe të rinjtë.

• NDRYSHIMI I DOKUMENTIT TË THIRRJES KËRKESË PËR OFERTË

Në çdo kohë përpara afatit të fundit për dorëzimin e tenderëve, Observatori mund të ndryshojë Dokumentin e Tenderit duke lëshuar shtesa. Cdo shtesë e lëshuar do të jetë pjesë e Dokumentit të Tenderit dhe do t’u komunikohet me shkrim të gjithë atyre që janë regjistruar. Për t’i dhënë ofertuesve të ardhshëm një kohë të arsyeshme në të cilën marrin një shtesë në përgatitjen e tenderëve të tyre, Observatori mund, sipas gjykimit të saj, të zgjasë afatin për paraqitjen e tenderëve.

• KOSTOJA E APLIKIMIT

Ofertuesi do të përballojë të gjitha kostot që lidhen me përgatitjen dhe dorëzimin e ofertës së tij, dhe Observatori në asnjë rast nuk është përgjegjës për ato kosto, pavarësisht nga sjellja ose rezultati i procesit të tenderimit.

Tiranë, më 15 Qershor 2025

“Observatori për të Drejtat e Fëmijëve dhe të Rinjve”, në kuadër të zbatimit të projektit “Strengthening Child and Youth Statistics for Policy Impact in Albania” të zbatuar në partneritet me UNICEF në Shqipëri është i interesuar të përfitojë shërbim për ekspertizë nga kompani profesionale apo individ i regjistruar

Sfondi: Raporti tematik i Censit 2023 “Raport statistikor i përqendruar te fëmijët dhe të rinjtë në Shqipëri” paraqet të dhëna dhe analiza kyçe të përgatitura nga INSTAT, me mbështetje teknike nga UNICEF në Shqipëri. Raporti synon shpërndarjen e gjetjeve tek vendimmarrësit, studiuesit, partnerët për zhvillim dhe publiku i gjerë.

Qëllimi i punës: Të angazhohet një kompani profesionale apo individ i regjistruar për të realizuar dizajnin grafik, formatimin dhe dorëzimin e një raporti statistikor dygjuhësh me cilësi të lartë (rreth 150 faqe), duke siguruar lexueshmëri, pamje tërheqëse, saktësi të të dhënave dhe përputhshmëri të plotë në të dyja gjuhët.

Kohëzgjatja e angazhimit: 1 Korrik – 15 Korrik 2025

Detyrat dhe përgjegjësitë:
Kompania/individi i kontraktuar do të jetë përgjegjës për:

1. Koncepti i dizajnit:

• Të zhvillojë 2–3 koncept dizajni fillestar (kopertinë dhe modele Dizajnje) për miratim.
• Të përfshijë udhëzimet mbi identitetin vizual (p.sh. logot, paleta e ngjyrave, fontet).

2. Dizanj dhe formatimi:

• Të formatojë tekstin, tabelat dhe grafiqet në një stil të lexueshëm dhe estetikisht tërheqës.
• Të sigurojë renditje të qartë, hapësirë të njëtrajtshme dhe hierarki vizuale.
• Të formatizojë versionin anglisht dhe atë shqip në mënyrë identike.
• Të sigurojë që të gjithë elementët vizualë të jenë të kuptueshëm në të dyja gjuhët.

3. Dizajn të përshtatura për gjuhët:

• Të përshtatë Dizajnn për dallimet gjuhësore (p.sh. zgjatje/shkurtim të tekstit).
• Të sigurojë formatim të duhur për shkronjat me theks dhe karakteret speciale në shqip.

4. Sigurimi i cilësisë:

• Të zbatojë cikle feedback-u (deri në 3 raunde rishikimi për secilën gjuhë).
• Të verifikojë cilësinë teknike të dizajnit (p.sh. renditja, rezolucioni i imazheve, përputhshmëria vizuale).

5. Produktet që do të dorëzohen:

• Skedarët finalë gati për printim.
• Version digjital i optimizuar për ueb (PDF interaktiv, i kompresuar).
• Template të redaktueshme për raportet e ardhshme, nëse kërkohet.

Dorëzimi duhet të bëhet brenda datës 14 korrik 2025.

Kualifikimet e kërkuara:

• Eksperiencë e provuar në dizajn raportesh, dizajn dhe formatim dygjuhësh.
• Portfolio me të paktën 3 projekte të ngjashme (preferohet me INSTAT).
• Aftësi të shkëlqyera në përdorimin e Adobe Creative Suite (InDesign, Illustrator, Photoshop).

Dokumentacioni që duhet të dorëzohet

Palët e interesuara duhet të dorëzojnë:

1. Profili i kompanisë/individit dhe përvoja përkatëse.
2. CV/portofoli i personelit kryesor.
3. Konfirmim i afatit të dorëzimit.
4. Propozim financiar (në lekë, duke përfshirë të gjitha taksat).
5. Dy referenca nga klientë të fundit me punë të ngjashme.

Si të aplikoni?

Individët e interesuar (kompani profesionale apo individ i regjistruar) janë të ftuar të shprehin interesin e tyre duke dërguar dokumentacionin e tyre fizikisht ose email deri më 28 Qershor 2025.

Adresa: Observatori për të Drejtat e Fëmijëve dhe te Rinjve

Rruga Brigada e VIII, Pall.LID, K.1, Z.1, Tiranë – Shqipëri

Email:  hr@observator.org.al

📅 Thirrja është e hapur nga 15 Qershor deri më 28 Qershor 2025.
📢 Vetëm kandidatët e përzgjedhur do të kontaktohen.

Call for Application

International expert to assist with the preparatory work for the child and youth focused secondary analysis of the Albanian Population and Housing Census 2023 – focused on demographics, education, living conditions, and household structure.

Tirana, 14 February 2025

The Observatory for Children’s and Youth Rights, in the framework of implementing the project “Strengthening Child and Youth Statistics for Policy Impact in Albania,” implemented in partnership and with the financial support of UNICEF in Albania, is seeking to procure expert services from individuals, physical persons, or legal entities. This partnership envisions the support and collaboration with the National Statistical Office (INSTAT) in the preparatory work for the children- and youth-focused thematic/secondary analysis of Census 2023. Considering the technical complexity of the work the expertise of two international consultants is deemed important. This call describes the tasks for one of the consultants.

Job Position: International expert to assist with the preparatory work for the child- and youth-focused secondary analysis of the Albanian Population and Housing Census 2023 – focused on demographics, education, living conditions, and household structure.

📌 Location: Home-based

Assignment Duration: 6 March – 31 March 2025 (22 working days)

The expert will work in close collaboration with INSTAT, UNICEF in Albania and Observatory staff and will be responsible for:

• Developing the tabulation plan for child and youth-focused indicators, covering the demographics, education, living conditions, and household structure.
• Creating table templates for the indicators within the identified domains. Provide definition of the indicators.
• Compiling (in written) the methodology for the calculation of advanced/ complex data analysis. Providing on-line support at INSTAT for the production of these analysis.
• Offering technical guidance to INSTAT staff on the generation of statistical tables as per the approved plan and undertaking quality check / validation of data provided from INSTAT.
• Generating the additional high-value analytical variables such as wealth index, documenting the methodology and definition.

The interested candidate should have a Degree in Statistics, Demography, Sociology, Social Sciences, or a related field, with at least 15 years of experience in analyzing large-scale survey data. Strong knowledge of international census standards and proficiency in CSPro, SPSS, Stata, or R are required. Experience with statistical offices, capacity building, and training is an advantage. The role demands excellent communication skills, the ability to work in multicultural environments, and fluency in English.

List of Deliverables:

• Tabulation plan, listing the agreed plan of indicators to be produced.
• Table templates, that include the necessary guide / definitions of indicators.
• Methodology for calculation of varialbes and complex data analysis.
• Fill-in tables after validation by the Consultant.
• Time sheet.

How to Apply?

Qualified candidates are invited to submit the following documents via email to hr.observator.org.al by 28 February 2025:
📌 Expression of interest outlining your motivation to the assignment.
📌 Updated CV highlighting relevant experience and previous work related to this consultancy.

📌 Financial fee Provide the financial fee in Albanian Leke per working day.  For non-resident candidates, the payment will be made in accordance with by Law 29/2023, Article 58, For non-resident service providers. [1]

📢 Application period: Open from 14 February until 28 February 2025.
📢 Only shortlisted candidates will be contacted.

[1] Në rast se përfituesi i të ardhurës është rezident në një shtet me të cilin Republika e  Shqipërisë ka nënshkruar Marrëveshje për eliminimin e tatimit të dyfishtë, e cila është në fuqi, zbatohen klauzolat e marrëveshjes në lidhje me ndarjen e së drejtës së taksimit. Nëse përfituesi i të ardhurës është rezident në një shtet me të cilin Republika e Shqipërisë nuk ka Marrëveshje të tillë në fuqi, në çdo rast zbatohet legjislacioni i brendshëm dhe mbahet tatimi në Shqipëri.

If the beneficiary of the income is a resident of a country with which the Republic of Albania has signed an Agreement for the elimination of double taxation, which is in force, the clauses of the agreement regarding the allocation of the right to tax shall apply. If the beneficiary of the income is a resident of a country with which the Republic of Albania does not have such an Agreement in force, in any case the domestic legislation shall apply and the tax shall be withheld in Albania.

Tiranë, më 03 Shkurt 2025
“Observatori për të Drejtat e Fëmijëve dhe të Rinjve”, në kuadër të zbatimit të projektit “Strengthening Child and Youth Statistics for Policy Impact in Albania”të zbatuar në partneritet me UNICEF në Shqipëri është i interesuar të përfitojë shërbim për ekspertizë nga individë, persona fizik ose juridik.
Titulli i punës: Ekspert lokal mbi privatësinë dhe mbrojtjen e të dhënave të treguesve me fokus fëmijët dhe të rinjtë për tu propozuar për raportin tematik nga Censi i Popullsisë dhe Banesave 2023– 12 ditë pune

Kohëzgjatja e angazhimit: 20 Shkurt – 31 Mars 2025

Detyrat dhe përgjegjësitë

Në koordinim me Observatorin, si dhe në bashkëpunim me ekspertët ndërkombëtarë dhe kombëtarë të përzgjedhur për zhillimin e listës së treguesve dhe planeve të tabulimit, eksperti do angazhohet në detyrat si vijon:

• Rishikon tableat e gjeneruara nga baza e të dhënave të censit me tregues për fëmijë dhe të rinj.
• Vlerëson strukturën, përmbajtjen dhe prezantimin e tabelave për të siguruar përputhshmërinë më GDPR dhe mbrojtjen e të dhënave.
• Identifikon dhe rekomandon metoda për anonimzimin e të dhënave sensitive.
• Udhëzon ekspertët mbi praktikat e mira për menaxhimin dhe shpërndarjen e sigurt të të dhënave.
• Dokumenton gjetjet dhe rekomandon përmirësime.
• Bashkëpunon me ekspertët lokale dhe ndërkombëtarë për adresimin e çështjeve dhe shqetësimeve mbi mbrojtjen e të dhënave dhe për të siguruar përputhje me standardet kombëtare dhe ndërkombëtare.

Të interesuarit duhet të ketë një diplomë universitare ose pasuniversitare në Statistikë, Ekonomiks, Sociologji, Shkenca Shoqërore ose një fushë të ngjashme. Duhet të zotërojë njohuri të shkëlqyera mbi kornizën ligjore dhe rregulloret ndërkombëtare si GDPR, CCPA, si dhe të ketë të paktën 3 vjet përvojë pune në fushën e privatësisë dhe mbrojtjes së të dhënave në Shqipëri.
Eksperienca në punën me dataset-e sensitive, veçanërisht ato që lidhen me fëmijët dhe të rinjtë, është e preferueshme. Gjithashtu, kandidati duhet të ketë aftësi të shkëlqyera komunikimi, përfshirë dokumentimin dhe prezantimin e gjetjeve, si dhe njohuri të avancuara të gjuhës angleze.

Si të aplikoni?
Individët e interesuar (persona fizikë ose juridikë) janë të ftuar të shprehin interesin e tyre duke dërguar CV-në e tyre fizikisht ose email deri më 17 Shkurt 2025.
Adresa: Observatori për të Drejtat e Fëmijëve dhe te Rinjve
Rruga Brigada e VIII, Pall.LID, K.1, Z.1, Tiranë – Shqipëri
Email: hr@observator.org.al

•  Thirrja është e hapur nga 03 Shkurt deri më 17 Shkurt 2025.
• Vetëm kandidatët e përzgjedhur do të kontaktohen.