Të dhëna për qarkun Korçë

Treguesit për rrethet Treguesit për komunat

1. Fakte nga Historia e Qarkut
2. Adresa e Këshillit të Qarkut
   
3. Përshkrim i Përgjithshëm i të drejtave të fëmijëve në Qark
   
4. Strategjia Rajonale për të Drejtat e Fëmijëve
   
5. Adresa e Observatorit
   
6. Detyrat e Observatorit
   
7. Adresa e Njësisë për të Drejtat e Fëmijëve (CRU/NjDF)
   
8. Detyrat e "Njësia për të drejtat e fëmijëve (NJDF)" në Këshillin e Qarkut
   
9. Detyrat e Njësisë për Mbrojtjen e Fëmijëve
   

1. Fakte nga Historia e Qarkut

Qarku i Korçës është një nga 12 qarqet në Shqipëri dhe ka një sipërfaqe prej 3.711 km². Qarku i Korçës i përfshin rrethin e Devollit, rrethin e Kolonjës, rrethin e Korçës dhe rrethin e Pogradecit. Qendra e Qarkut të Korçës ndodhet në qytetin e Korçës. Qarku i Korçës kufizohet në verilindje dhe në lindje me Maqedoninë, në jug me Greqinë, në jugperëndim me qarkun e Gjirokastrës, në perëndim me Qarkun e Beratit dhe në veriperëndim me Qarkun e Elbasanit. Qarku i Korçës ka një popullsi prej 352.088 banorë.

Korça përbën një nga qendrat kulturore më të rëndësishme të Shqipërisë. Vetë muzeumet e shumta në qytet përshkruajnë aktivitetin kulturor ndër shekuj. është e mirënjohur shkolla e parë shqipe në këtë qytet që daton në vitin 1887, shkolla e parë në Shqipëri për vajza, si dhe liceu Francez i ndërtuar në vitin 1917. Edhe pse ndër vite qyteti ka qenë pushtuar disa herë, ndikimet e huaja përbejnë një pjesë të vogël te kulturës korçare.

Ekonomia e qytetit të Korçës i ka themelet e saj në zhvillimin bujqësor, por nuk mund të lihen pa përmendur bizneset e mëdha të qytetit të cilat përfshijnë kryesisht sektorin e ndërtimit civil dhe prodhimin e materialeve të ndërtimit, sektorin ushqimor dhe atë të shërbimeve. Edhe pse Korça ofron mundësi të mira për zhvillimin e turizmit, ngelet akoma shumë për të bërë në këtë drejtim. Niveli ekonomik i qytetit aktualisht ndodhet në një rritje konstante edhe pse duhet të sigurohet akoma stabiliteti ekonomik sipas standardeve të BE-së.

Turizmi në këtë qytet ka dy pika të rëndësishme e të frekuentuara shpesh nga turistet, fshatrat Voskopojë e Dardha. Përveç klimës malore, me pyje te dendur me pisha e bredha, dhe prezencën e një peizazhi mbresëlënës, turistet mund te gjejnë pjese nga historia dhe trashëgimia e popullit shqiptar duke filluar nga periudha e sundimit Bizantin. Në Voskopojë gjenden një numër i konsiderueshëm kishash ortodokse dhe manastiresh që i përkasin kësaj periudhe. Gjate dimrit të dy këto fshatra turistike ofrojnë pista dimërore për ski.

Lart

2. Adresa e Këshillit të Qarkut

Këshilli i Qarkut Korçë, Lagjia 3, Bulevard “Republika”, Korçë

Lart

3. Përshkrim i Përgjithshëm i të drejtave të fëmijëve në Qark

Ndryshimet social-ekonomike që kanë  ndodhur në dhjetëvjeçarin e fundit janë  shoqëruar me problematika te reja shoqërore,të cilat kanë  sjellë  pasoja ne koston shoqërore për individë të pambrojtur,familjet e tyre dhe komunitete të  ndryshme.
Shoqëria përballet me dhunën, problemet e shëndetit mendor, rritjen e krimit, përdorimin e drogës dhe të  pijeve alkoolike, prostitucionin, trafikimin e qenieve njerëzore, shfrytëzimin e fëmijëve dhe përfshirjen tyre në format e këqija të  punës. Numri i fëmijëve 0-18 vjeç, në qarkun Korçë është 82.428.

Në këto kushte një  numër fëmijësh jetojnë në kushte të vështira. Varfëria dhe aksesi  i kufizuar në shërbimet shoqërore ka ndikuar drejtpërdrejt në  nivelin e ulët të  jetesës së grupeve shoqërore të pa favorizuara ,duke ju mohuar të drejtën për të  jetuar me dinjitet dhe të kujdesen për vetveten. Qarku i Korçës ka një numër të konsiderueshëm fëmijë nga komunitetet e margjinalizuara,për këtë fakt edhe problematikat sociale janë më të mëdha. Këto komunitete zënë rreth 1/3 e popullsisë. Lypja, shfrytëzimi, puna në të zezë dhe braktisja shkollore mbetet një nga problemet më të mëdha sidomos për Bashkinë Korçë.

OJF-të që operojnë në mbrojtje të fëmijëve në qarkun e Korçës janë:

• Fondacioni “Ndihmë për Fëmijë” trajton fëmijët në nevojë ,u jep arsimim fëmijëve  të shansit të dytë , ka 80 përfitues (rromë dhe egjiptianë) si dhe kurse profesionale për fëmijët që kanë përfunduar detyrimin shkollor.
• Fondacioni Kenedi. Jep shërbime sociale për shtresa të ndryshme si fëmijë   të   abuzuar apo rrezik trafikimi  (7 fëmijë në qendër rezidenciale) ,qendër ditore për fëmijët e rrugës të cilët përfitojnë këshillim dhe ushqim (15 fëmijë),shërbim për pleqtë.
• Fondacioni  Dorkas me projektin  “Emanuel”.Japin shërbime të ndryshme për të moshuarit,ndihmë direkt për  30 familje në nevojë.  Ky fondacion ka hapur këtë vit edhe një qendër ditore për fëmijët në nevojë,të cilët pasi mbaron shkolla ,hanë një vakt ushqim dhe bëjnë mësimet me një mësues.  Numri i përfituesve është 30 dhe kjo është një nismë e mirë në shërbim të fëmijëve.
• Medpak për fëmijët me aftësi të kufizuara (45 fëmijë të përfshirë në projekt).
• Terre des hommes (mbështet zyrën e mbrojtjes së të drejtave të fëmijëve  në Bashki ,për të bërë aktivitete në shërbim të fëmijëve ,të cilët janë direkt përfitues të këtyre iniciativave).
• World Vizion .Operon në qarkun e Korçës dhe kryesisht t për fëmijët në komunën Pojan,Maliq ,në shërbim të  fëmijëve  rromë dhe egjiptianë.
• Shkolla dhe fondacioni Amaro-Tan  në  Pogradec  ka si qëllim edukimin dhe këshillimin e fëmijëve që janë në situate rruge duke i integruar në shkolle .Kjo shkollë përveç edukimit dhe këshillimit ,ju ofron fëmijëve ushqim dhe ndihmë për të kryer mësimet.

Lart

4. Strategjia Rajonale për të Drejtat e Fëmijëve

Në Qarkun e Korçës nuk ka Strategji rajonale për fëmijët, përveç një strategjie të hartuar  në vitin 2005 për qarkun Korçë.

Lart

5. Adresa e Observatorit:

Observatori për të Drejtat e Fëmijëve, Lagjia 5,
Rruga “28 Nëntori”, Korçë

Lart

6. Detyrat e Observatorit:

Observatori për të drejtat e fëmijës është strukturë e shoqërisë civile e ngritur ne qarkun e Korçës në vitin 2009, e cila ka për qëllim mbledhjen e informacionit nga të gjitha institucionet shtetërore dhe vendore dhe studimin e situatës së realizimit të të drejtave të fëmijëve në nivel rajonal dhe kombëtar.

Detyrat kryesore të Observatorit:

• Grumbullim periodik të dhënash nga departamentet e Shëndetësisë, Edukimit dhe Mbrojtjes Sociale ne nivel rajonal dhe lokal.
• Përgatitja dhe Përhapja e raporteve tremujore (bazuar mbi modelin kombëtar) mbi treguesit e mirëqënies së fëmijëve.
• Përgatitja e raporteve vjetore për përparimin e implementimit të politikave për realizimin e të drejtave të fëmijëve në rajone;
• Grumbullim periodik i raporteve mbi pyetësorë nga agjensi të ndryshme ndërkombëtare dhe kombëtare;
• Mirëmbajtje dhe rifreskim i bazës së të dhënave rregullisht me informacion të mbledhur nga institucionet lokale; përdorim i bazës së të dhënave  në ndihmë të përgatitjes së raporteve;

Lart

7. Njësia për të Drejtat e Fëmijëve (CRU/NjDF)

Në Qarkun Korcë akoma nuk është hapur zyra e CRU.

Lart

8. Detyrat e “Njësia për të drejtat e fëmijëve (NJDF)” në Këshillin e Qarkut

Zyra për Mbrojtjen e Fëmijëve ose (NJMF) në Bashkinë Korçë është ngritur brenda strukturës administrative të shërbimeve sociale të bashkisë Korçë në vitin 2006 si projekt pilot i financuar nga UNICEF me mbështetje të Terre des Hommes. Në vitin 2009 me mbështetjen e UNICEF ajo është ri-dimensionuar në Njësia për mbrojtjen e fëmijës . Kjo për faktin se gjatë punës në terren ka rezultuar që familja ka rol shume të madh për edukim e fëmijëve dhe nuk mund te trajtohet i shkëputur nga familja. Një pjesë e problemeve te fëmijëve rrjedhin nga paqëndrueshmëri e familjeve, dhuna qe gjenerohet ne familje si rezultat i varfërisë dhe mungese se burimeve për mbajtjen e familjes.
Ajo ka për detyrë:

• të vlerësojë dhe monitorojë në mënyrë të vazhdueshme situatën e fëmijës në rrezik deri në dalje nga rreziku;
• të bëjë identifikimin dhe të bashkërendojë në mënyrë multidisiplinare mbrojtjen, referimin dhe analizën e rasteve në territorin e Bashkisë;
•  të sensibilizojë komunitetin, të organizojë takime informuese, edukuese dhe trajnuese për mbrojtjen e fëmijëve në territorin e Bashkisë;
• të bashkëpunojë  me administratorët e shërbimeve shoqërore, psikologet e shkollave, mjekun e familjes, autoritetet e rendit, punonjësit socialë të qendrave publike dhe jopublike për përmirësimin e situatës së mbrojtjes së fëmijëve; të shërbejë si qendër informacioni apo referimi në shërbime të tjera mbështetëse.
• Të referojë rastet e ndryshme .
• të raportojë periodikisht në Agjencinë Shtetërore për Mbrojtjen e të Drejtave të Fëmijëve të dhëna statistikore dhe informacione periodike mbi situatën e mbrojtjes së fëmijëve në territorin e Bashkisë.

9. Njësia për Mbrojtjen e Fëmijëve:

Njësia e Mbrojtjes së fëmijëve në Qark nuk është hapur në Qarkun e Korçës.

Lart

Punoi: Marjana Jorgji,
Eksperte e Observatorit Korçë