WeBER

NISMA WeBER

Qytetari thotë fjalën e tij për efiçencën e Administratës Publike në nivel vendor

 

Observatori për të Drejtat e Fëmijëve (Observatori) në kuadrin e Reformës në Administratën Publike (RAP) po zbaton nismën “WeBER” me temë “Monitorimi i efektivitetit të përformancës së administratës së qeverisjes vendore nëpërmjet vlerësimit të opinionit të qytetarit”. Kjo nismë po zbatohet në 2 bashki dhe përkatësisht në Bashkinë Tiranë dhe Bashkinë Cërrik. Zona pilot të nismës janë Njësitë administrative nr.5, 6, Dajt dhe Petrelë për Bashkinë Tiranë dhe Njësitë Administrative Cërrik dhe Gostimë të Bashkisë Cërrik. Kohëzgjata e nismës është 7 muaj, Qershor – Dhjetor 2017. Qëllimi kryesor i nismës është vlerësimi i mendimit të publikut (banorëve) në lidhje me transparencën e qeverisjes vendore, shërbimet që ofrohen, format më të mira të informimit publik dhe efektivitetin e administratës publike.

Kjo nismë financohet nga Bashkimi Evropian dhe bashkëfinancohet nga Mbretëria e Holandës nëpërmjet Instrumentit të Grantit të Vogël të projektit “WeBER – Mundësimi i vendeve të Ballkanit Perëndimor për Monitorimin e Reformës në Administratën Publike nga Shoqëria Civile”që zbatohet në Shqipëri nga Instituti për Demokraci dhe Ndërmjetësim (IDM). Projekti do të zbatohet nëpërmjet realizimit të disa instrumentave  matës që do të shërbejnë për matjen e perceptimit të mendimit të komunitetit dhe stafit të administratës vendore si; pyetësorë dhe intervista. Takimet në komunitet dhe me stafin e administratës së njësive të qeverisjes vendore pilot gjatë të cilave do të prezantohet nisma dhe objektivat që synohen të arrihen janë gjithashtu pjesë e aktiviteteve të procesit të zbatimit të saj. Nxitja e dialogut publik do të arrihet përmes 2 takimeve ballafaqësuese me pjesmarrje të komunitetit dhe administratës vendore ku do të shpalosen rezultatet e shprehjes së mendimit të dy palëve dhe krahasimi i tyre përsa i përket perfomancës së administratës së bashkive Tiranë dhe Cërrik. Në përfundim të zbatimit të nismës do të prezantohen në një takim përmbyllës  rezultatet  e saj, gjetjet, rekomandimet dhe krahasimi i eksperiencave më të mira. Aktivitetet kryesore të nismës WeBER do te bëhen publike gjatë gjithë kohës së zbatimit të saj në faqen e web-it të Observatorit: www.observator.org.al dhe facebook: Observatori për të Drejtat e Fëmijëve/Observatory for Children’s Rights si dhe në media të tjera.

Për të gjithë që janë të interesuar të dinë më shumë për nismën që zbatohet nga Observatori  mund  të kontaktojnë në adresën e  emailit: info@observator.org.al si dhe personit të kontaktit: z.kondi@observator.org.al

#EU_WeBER

 

Ky projekt financohet nga Bashkimi Evropian dhe bashkëfinancohet nga Mbretëria e Holandës nëpërmjet Instrumentit të Grantit të Vogël të projektit “WeBER – Mundësimi i vendeve të Ballkanit Perëndimor për Monitorimin e Reformës në Administratën Publike nga Shoqëria Civile”që zbatohet në Shqipëri nga Instituti për Demokraci dhe Ndërmjetësim (IDM).

Regjistrimi i nxënësve në klasën e parë

Regjistrimi i nxënësve në klasën e parë bëhet në përputhje me nenin 13 të Kreut IV “Arsimi bazë” i Dispozitave Normative për sistemin arsimor parauniversitar, 2013.

Procedurat e regjistrimit të nxënësve në klasën e parë

  1. Regjistrimi i nxënësve në klasën e parë të arsimit bazë për vitin e ri shkollor bëhet në dy javët e fundit të muajit qershor.
    1. Në gjashtë ditët e para kanë të drejtë të regjistrohen në klasën e parë të një shkolle publike vetëm nxënësit që i përkasin zonës së shkollës. Kur largësia e banesës së fëmijës nga dy shkolla publike është e diskutueshme, prindi zgjedh njërën nga dy shkollat.
    2. Në katër ditët pasuese kanë të drejtë të regjistrohen edhe nxënës që u përkasin shkollave të zonave të tjera. Regjistrime të veçanta pranohen deri ditët e para të fillimit të vitit shkollor në muajin Shtator.
  2. Çdo institucion arsimor duhet të zbatojë listën emërore të fëmijëve të dërguar nga Ministria e Punëve të Brendshme, në vijim të zbatimit të Urdhrit të përbashkët nr. 2, datë 05.01.2015 “Për miratimin e rregullores për zbatimin e Marrëveshjes së bashkëpunimit, datë 02.08.2013 “Për identifikimin dhe regjistrimin në shkollë të të gjithë fëmijëve të moshës së detyrimit shkollor””.
  3. Regjistrimi i fëmijës në klasën e parë bëhet me këto dokumente:
    1. Certifikata e lindjes e fëmijës.
    2. Vërtetimi i vaksinimeve nga qendra shëndetësore.
    3. Raporti nga okulisti.
    4. Adresa e fëmijës.
    5. Vërtetimi i ndjekjes së kopshtit sipas grupeve, i firmosur nga drejtori i kopshtit (nëse ka).
  4. Në raste të veçanta, kur prindi dëshiron të regjistrojë fëmijën në klasë e parë, por:
    1. nuk disponon certifikatën e lindjes, drejtori i shkollës lejon që fëmija të ndjekë shkollën, sipas moshës së pretenduar nga prindi dhe i cakton prindit, sipas rrethanave, një afat për paraqitjen e certifikatës;
    2. nuk disponon vërtetimin e vaksinimeve, drejtori i shkollës i kërkon prindit t’i drejtohet qendrës shëndetësore përkatëse dhe, pas marrjes së vërtetimit, e regjistron fëmijën.

Ju sjellim në vëmendje përfitimin e:

  • Transport falas për nxënësit që ndjekin arsimin bazë ose kopshtin dhe që jetojnë në distancë mbi 2 km larg nga shkolla (Pika 1.b, Vendimit “Për përdorimin e fondeve publike për transportimin e punonjësve arsimorë që punojnë dhe të nxënësve që mësojnë jashtë vendbanimit”).
  • Tekste falas për fëmijët: viktimave të trafikimit, të ndodhur në paraburgim/vuajtje dënimi, të shtruar në Shërbimin Onkologjik, të policëve të rënë në detyrë, Rom dhe egjiptianë dhe përfitues në institucionet e përkujdesjes sociale rezidenciale publike.

(pika 6.9 e Vendimit nr. 707, datë 26.8.2015 “Për botimin, shtypjen, shpërndarjen dhe shitjen e teksteve shkollore të sistemit të arsimit parauniversitar”, të ndryshuar”)

Në pritje të 1 Qershorit 2017…. #UneMbrojfemijet#InvestojmePerFemijet

Në pritje të 1 Qershorit 2017…. #UneMbrojfemijet#InvestojmePerFemijet
Çmimi “Punonjësi i vitit për mbrojtjen e fëmijëve” dhe
“Organizata e vitit për Mbrojtjen e fëmijëve”

Ky çmim ka si qëllim të vlerësojë kontributin e jashtëzakonshëm që individë apo organizata japin për fëmijët, në mënyrë që ata të jetojnë të mbrojtur nga cdo formë e dhunës – duke promovuar shëmbuj pozitivë dhe frymëzues.

Çmimi do të jepet çdo vit më 1 Qershor, duke shënuar kështu fillimin e një tradite vjetore.

Kriteret për Çmimin “PROFESIONISTI i VITIT PËR MBROJTJEN E FËMIJËS”

1. Të jetë punonjës i njësisë së mbrojtjes së fëmijëve dhe të ketë me shumë se 5 vite eksperience pune.
2. Të ketë dhënë një kontribut të jashtëzakonshëm në mbrojtjen e fëmijëve nga dhuna, abuzimi, neglizhimi apo shfrytezimi duke sjellë ndryshime në jetën e femijëve dhe familjeve.
3. Të ketë menaxhuar një numër të konsiderueshëm rastesh, duke zbatuar në mënyrë cilësore procedurat e menaxhimit të rastit.
4. Të jetë aktiv dhe të ketë bashkëpunuar me aktorë të sektorëve të ndryshëm publik, privat, donatorë, OJF dhe komunitetin për ndërgjegjësimin e publikut përsa i përket çështjeve të mbrojtje së fëmijëve.

Kriteret për Çmimin “OJF E VITIT PËR MBROJTJEN E FËMIJËVE” (organizatë jo-fitimprurëse)
1. Të jetë OJF e regjistruar në Republikën e Shqipërisë prej më shumë se 5 vitesh.
2. Të ketë në fokus të punës të drejtat e fëmijëve dhe të jetë shquar në punën për mbrojtje të fëmijëve nga abuzimi, shfrytëzimi, dhuna, apo neglizhimi.
3. Të ketë ofruar mbështetje për komunitetin dhe të ketë kontribuar në ngritjen e kapaciteteve të institucioneve publike dhe/ose ofruesve të shërbimeve për fëmijë.

Çmimi do të jetë pjesëmarrje në një trajnim në nivel ndërkombëtar i ofruar nga Childhub.org .
Kandidaturat mund të propozohen në adresën elona.halilosmani@femijet.gov.al deri në datën 25 maj 2017. Propozimi duhet të përmbajë një argumentim të shkurtër (max 150 fjalë) mbi kandidaturën e propozuar. Kandidaturat do të vlerësohen dhe përzgjidhen nga Komisioni i Vlerësimit pranë MMSR.

Ministria e Mirëqenies Sociale dhe Rinisë
Olta Xhacka
UNICEF Albania
Observatori për të Drejtat e Fëmijëve / Observatory for Children’s Rights
Terre des hommes Albania

Informacion në lidhje me përmbytjet që ndodhën gjatë Janarit 2016

11 Janar 2016

Nga fillimet e vitit 2016, Shqipëria ka kaluar një situatë të përmbytjeve e cila zgjati pothuajse 1 javë. I gjithë vendi dhe gjithë krahinat ishin të përfshirë në një situatë të përmbytjeve që prekën familjet, bujqësinë dhe blegtorinë. Kohët e fundit Shqipëria ka kaluar situatën e përmbytjeve shumë shpesh, dhe kjo është hera e tretë që nga 2015, duke përmendur këtu përmbytjet të cilat kanë ndodhur në shkurt dhe në tetor 2015, dhe Observatori ka nxjerrë të dhëna  rreth situatës, të cilat ju mund të gjeni në vijim në Link: http: http://observator.org.al/the-situation-in-the-flooded-areas-in-vlora-fier-berat-and-korca-and-the-need-for-intervention/ .

Observatori për të Drejtat e Fëmijëve, me stafin e tij në 12 rajone të vendit ka  mbledhura informacion në lidhje për situatën e përmbytjeve dhe gjendja është :

Rajoni Berat: Në Berat situata është nën kontroll. Flukset e lumit Devoll në komunën Ura Vajgurore janë duke u monitoruar. Prania e ujit është vërejtur në të dy anët e lumit Devoll që mbulojnë një sipërfaqe prej 15 hektarë tokë.

Rajoni Diber: Bazuar në informacionin e Shtabit të Emergjencës së Prefekturës Dibër, situata në Mat dhe Bulqizë është nën kontroll, por në rrethin Dibër (njësi administrative e Melanit) një nga shkollat ​​u mbyll për shkak të disa dëmtimeve që kanë ndodhur në rrugën që lidh shkolla me fshatin për shkak të ujit që rrjedh jashtë nga rrjedhat e lumit. Mësuesit nuk mund të kalojnë rrugën kështu që  mësimi është pezulluar. Në Muhurr, fshati Vajmedhej mësimi nuk është zhvilluar në shkollë, për shkak të dëmeve në çatinë e ndërtesës për shkak të reshjeve, por është zhvilluar në disa ndërtesë private. Ndërhyrja e forcave të ushtrisë në argjinaturën e  lumit Drin, shpëtoi 200 familje nga përmbytjet në fshatin Gjoricë. Në përgjithësi situata është nën kontroll. Nuk ka asnjë familje të evakuuar apo të prekur nga përmbytjet, dhe mësim në shkolla ka qenë i vazhdueshëm.

Qarku i Durrësit: Bazuar në informacionin e Shtabit të Emergjencës së Prefekturës Durrës disa familje të dëmtuara janë strehuar në (Kavalishence)vendpushimet e Ministrisë së Brendshme. Institucionet qendrore dhe vendore shtetërore kanë shpërndarë rreth 2000 pako ushqime dhe veshmbathje për familjet, nga të cilat 600 paketa janë shpërndarë nga Bashkinë e Durrësit. Në mbledhjen e Shtabit të Emergjencës u theksua nevoja për të marrë masa të menjëhershme për të stabilizuar situatën e rrugëve të përmbytura dhe shtëpive të dëmtuara, dhe për të kontrolluar situatën me anë të procesverbaleve. Stafi urgjencës ka theksuar edhe nevojën për investime për të forcuar  argjinaturën e lumit Erzen. Në Komunën e Shijakut 50 familje u evakuuan dhe në Sukth janë evakuar 30 familje.

Qarku Fier: Sipas Shtabit të Emergjencave, në rajonin e Mallakastrës, Lumi Seman ka rrjedhur nga shtrati i lumit të saj, por situata është nën kontroll dhe se ata janë duke vëzhguar situatën e Bashkisë Fier. Disa nga oborret e shtëpive në Levan kanë pasur pak ujë, por nuk ka dëme në shtëpitë apo familjet e prekura. Shtabi i Emergjencës Fier në bashkëpunim me Policinë ka evakuuar 30 familje dhe kanë njoftuar familjet e tjera të largohen nga shtëpitë e tyre për shkak se situata e cila ishte e rrezikshme për shkak të niveleve të larta të ujit të lumit Shkumbin, në afërsi të fshatit Çermë-Sektor.

Qarku Elbasan: Rruga nga Gramshi në Elbasan nuk ishte e kalueshme, sepse ura ishte dëmtuar. Strukturat vendore janë duke punuar për të bërë urën brenda një periudhe të shkurtër kohe. Në fshatin Miza situata është duke u mbajtur nën kontroll, edhe pse niveli i ujit ka arritur nivelin më të lartë dhe është marrë me pompa motorike.

Rajoni Lezhë: Në Fushë Kuqes, në Bashkinë Lac disa toka bujqësore janë mbuluar nga uji por gjendja është nën kontroll dhe nuk ka dëme në materiale. Rruga Pllanë-Zejmen-Lezhe është e vështirë për t’u kaluar nga automjete, për shkak të rrëshqitjes së tokës.

Rajoni Shkodër: Në  Komunën e  Vaut të Dejës 20 familje në fshatin Fan dhe 50 familje në Bashkinë Shkodër rrezikonin nga përmbytjet, por nga  ndërhyrjet gjendja është mbajtur nën kontroll. Në Hajmel 500 hektarë tokë u përmbytën, dhe një urë në Vig Mnelle u shkatërrua .Rruga Qafë Thore-Boge-Theth nuk është e kalueshme dhe rrugën Puke – Iballë është e kalueshme vetëm në një mënyrë.

Rajoni Tiranë: Zona Don Bosko është një nga zonat më të prekura nga përmbytjet në Tiranë. Uji ka bllokuar rrugët për shkak të bllokimit të kanaleve kulluese. Rruga nuk është e kalueshme dhe njerëzit nuk ishin në gjendje të kalojë nga njëra anë e rrugës në tjetrën. Stafi urgjencës në Tiranë thekson se ata kanë evakuuar 60 familje rome të zonës Bregu Lumit, të cilët ishin strehuar në mjedisin e shkollës Misto Mame. Niveli i lumit të Lanës ka arritur maksimumin dhe rreziqet e saj të dalin në zonën pranë pallatit me shigjeta. Në rrugë Mentor Xhemali për shkak të shirave të dendur rrezikonin që  uji ti hynte mbrena në  shtëpitë. Në Berzhita 4 familje janë evakuuar nga Shtabi i Emergjencave për shkak të rrezikut të rrëshqitjes së dheut. Në komunën e Rrogozhinës, lumi Shkumbin ka përmbytur zonën dhe stafi i Emergjencës po ndërmerr veprime për  të evakuohen disa familje.

Krahasimi i numrit të familjeve të evakuara nga përmbytjet Shkurt 2015 vs tetor 2015 vs janar 2016

 

Workshop dhe Debate Çdo fëmijë në shkollë

Tiranë, 27 janar 2016

Workshop dhe Debate

Çdo fëmijë në shkollë- Faza II

Observatori për të Drejtat e Fëmijëve, Ministria e Arsimit dhe Sportit në partneritet me UNICEF- Shqipëri kanë realizuar Workshopin në kuadër të zbatimit të nismës “Çdo fëmijë në shkollë”.

Nisma “Çdo fëmijë në Shkollë” po realizohet nën vëmendjen e MAS, në partneritet me UNICEF dhe po zbatohet nga Observatori për të Drejtat e Fëmijëve. Kjo nismë ka filluar në vitin 2013 dhe ndiqet nga Observatori për të Drejtat e Fëmijëve nga viti 2014 e në vazhdim, me synim identifikimin dhe rregjistrimin në shkollë të të gjithë fëmijëve në moshë të detyrimit shkollor si edhe parandalimin e braktisjes së shkollës nga ana e fëmijëve që janë në rrezik braktisjeje. Nisma synon ngritjen e mekanizmave të mjaftueshme që çdo fëmijë i moshës së detyrimit shkollor të ndjekë shkollën 9-vjeçare.


Ky Workshop ka mbledhur bashkë drejtues dhe përfaqësues të Drejtorive Arsimore Rajonale dhe Zyrave Arsimore, specialistë të MAS, si dhe ekspertë për mbledhjen e të dhenave për rregjistrimin dhe mbajtjen e evidencave për rregjistrimin e fëmijëve në shkollë në të gjithë Shqipërinë.

workshop-cdo_femije_ne_shkolle

Plani i veprimit për fëmijë 2012-2015

Fillimi i vitit shkollor 2015-2016

Observatori Shkodër – 15 Nëntor 2011

Komente mbi Draftin Plani i Veprimit 2011-2015 të Strategjisë Kombëtare për Fëmijë

Zyra e Observatorit për të Drejtat e Fëmijëve në Shkodër ka njohur aktorët lokalë me Draft- Planin e Veprimit 2011-2015 të Strategjisë Kombëtare për Fëmijë, të hartuar nga Ministria e Punës, Çështjeve Sociale dhe Shanseve të Barabarta. Gjithashtu Observatori ka marrë opinionet dhe mendimet e aktorëve në përmirësimin e disa pikave të këtij drafti:

  • Është e nevojshme që të ketë mësues mbështetës për fëmijët që integrohen në shkollat normale dhe trajnim për normat e sjelljes së mësuesve, që jo gjithmonë janë pozitive
  • Të ketë kurse dhe trajnime për mësuesit mbështetës, gjithashtu edhe kurse informimi për mësuesit parësor që të kuptojnë punë dhe rolin e mësuesve mbështetës
  • Të ketë bashkëpunim mes mësuesve parësor dhe mësuesve mbështetës
  • Krijimin e programeve dhe testeve për fëmijët me Aftësi të Kufizuara
  • Të krijohet mundësi shkollimi për ato persona që nuk kanë mundur të vazhdojnë shkollën në përputhje me moshën e tyre kronologjike
  • Propozohen aktorë të pavarur për aspektin e familjeve kujdestare
  • Propozohet kryerja e dënimit të minorenëve brenda strukturave të mbrojtura.

Observatori Shkodër – 29 Gusht 2013

Shkodër më, 29 Gusht 2013

Informacion mbi takimin e realizuar në Shkodër në kuadër të projektit “Forcimi i Shërbimeve të Mirëqenies Sociale të Fëmijëve në nivel rajonal, në përgjigje të implementimit të politikës të mospërjashtimit social të fëmijëve – RIDE”

 

Observatori për të Drejtat e Fëmijëve -Shkodër në bashkëpunim me Njësinë e Drejtave të fëmijëve pranë Këshillit të Qarkut – Shkodër dhe me mbështetjen e përfaqësisë së UNICEF-it në Shqipëri. , më datë 29 Gusht 2013 në ambientet e sallës së Mbledhjeve të Qarkut Shkodër organizoi takimin e parë me grupin e punës në kuadër të zbatimit të projektit: “Forcimi i Shërbimeve të Mirëqenies Sociale të Fëmijëve në nivel rajonal, në përgjigje të implementimit të politikës të mospërjashtimit social të fëmijëve”.

 

Në këtë takim morën pjesë përfaqësues të institucioneve lokale (Drejtoria Rajonale e Shërbimit Social Rajonal; Drejtoria Rajonale e Shëndetësisë Shkodër), përfaqësues nga OJF lokale , punonjës të njësisë për të drejtat e fëmijëve në komunë dhe administratorë sociale.

Takimi u realizua sipas programit ku u prezantuan pjesëmarrësit. Më pas fjalën e mori Znj.Elma Tërshana me cilësinë e drejtueses së projektit e cila bëri një prezantim të Observatorit për të Drejtat e Fëmijëve dhe  të projektit “Forcimi i Shërbimeve të Mirëqenies Sociale të Fëmijëve në nivel rajonal, në përgjigje të implementimit të politikës së mospërjashtimit social të fëmijëve”. Ky projekt synon ndër të tjera që të identifikojë ato raste të abuzimit të fëmijëve, të cilët sistemi përkatës i mbrojtjes nuk i identifikon dot. Nëse flasim për fëmijët që jetojnë në familje të varfra me NE, pjesë e varfërisë janë dhe ato familje që nuk u është pranuar kërkesa për NE apo dhe ato familje që për shkak të procedurave nuk arrijnë të aplikojnë për NE. Gjithashtu pjesëmarrësit morën informacion mbi shtrirjen territoriale të këtij projekti edhe në qarqet Fier e Kukës.

Nga Znj.Anilda Gurakuqi u bë një ekspoze e punës së deritanishme të Observatorit, arritjet si dhe bashkëpunimet e frytshme me institucionet rajonale; organizatat e shoqërisë civile dhe në mënyrë të vecantë me NjDF e Departamentin e  Shërbimeve Sociale pranë Këshillit të Qarkut Shkodër.

Nga ana e përfaqësuesit të NJDF pranë Këshillit të Qarkut Z. Jozef Serrmi projekti në fjalë është i rëndësishëm dhe i domosdoshëm në koordinimin e rasteve problematike të fëmijëve të cilët kanë nevojë për përfshirje në shërbime sociale. Por ai vendosi theksin se situata në Qarkun Shkodër nuk paraqitet e mirë në krijimin e njësive të Drejtave të Fëmijëve pranë Komunave. Nga 33 njësi administrative që ka qarku vetëm 7 njësi përfshirë edhe Bashkinë Shkodër kanë ngritur Njësinë e të drejtave të Fëmijëve.

 

Nga diskutimet që pasuan në takim u adresuan disa çështje për zgjidhje dhe disa të tjera si konkluzione të takimit, si më poshtë

– Zyra e projektit RIDE do të mundësojë koordinimin dhe harmonizimin e të gjithë strukturave të mirëqënies sociale në nivel rajonal dhe lokal, për t’u siguruar se asnjë fëmijë nuk përjashtohet nga gëzimi i të drejtave të tyre. Një gjë e tillë do të realizohet nëpërmjet rrjetëzimit të sfidave/ vështirësive, arritjeve dhe kapaciteteve ekzistuese. Kjo inisiativë e re do të ndihmojë në ofrimin e shërbimeve të integruara për fëmijët (jo vetëm përfitime nga skema e ndihmës ekonomike, por edhe nga fushat e tjera të mirëqënies sociale).

– Nxitja dhe lobimi që njësitë vendore të krijojnë Njësitë e të Drejtave të Fëmijëve dhe gjithashtu e rëndësishme të adresohet fuqizimi i metejshëm i këtyre strukturave të reja të cilat do të aftësohen të referojnë; orientojnë; koordinojnë por edhe të zgjidhin rastet problematike të fëmijëve në bashkëpunim me aktorët e tjerë ( Z.Jozef, NDF).

– Problematike paraqiten edhe rastet e fëmijëve të paarsimuar. Në një vizitë të menaxheres së Ëorld Vision Shkodër në fshatin Bardhaj të Komunës Rrethina në 3 familje janë evidentuar fëmijë të paarsimuar. E rëndësishme është që këto raste individuale të kthehen në çështje për tu zgjidhur. Gjatë takimit për këto raste specifike nga znj.Neta Pero u orientua dhe u informuan pjesëmarrësit se mund të ndiqet shkollë me korrespondëncë pranë Shkollës 9 vjecare në Shkodër “P.Vasa”. Në këtë mënyrë pjesëmarrësit patën mundësinë gjatë takimit të shkëmbënin informacione e praktika të mira të zgjidhjes apo koordinimit të rasteve të fëmijëve.

– Rekomandohet që NJMF të funksionojë në Komuna si një strukturë e posacme. Në nenin 39 të ligjit Kuadër për fëmijë pika 1 përcaktohet se mund të jëtë një strukturë e posacme ose si një njësi e strukturave të cështjeve sociale. Për shkak të ngarkesës, duhet të jetë një ose disa persona të vecantë që merren posacërisht vetëm me cështjet e fëmijeve. ( znj.Arlinda nga Ëorld Vision)

– Funksionimi i mekanizmit të referimit të rasteve duhet të jetë më funksional dhe të fuqizohet më tej. Ligji ka përcaktuar saktë hallkat ndërinstitucionale dhe ato të shoqërisë civile por duhet të ketë më bashkërendim ndërmjët tyre. (znj. Alketa, Drejtore e SHSRajonal).

– Sugjerohet supervizimi i strukturave të NMF-ve në komuna apo strukturave përgjegjëse për koordinimin e rasteve mbi punën, përformacën dhe bashkëpunimin reciprok. Gjithashtu sugjerohen takime të përmuajshme ose një herë në 2 muaj për të ndarë rastet, shpërndarë raporte në mënyrë që të krijohen edhe praktika të mira të zgjidhjeve të rasteve problematike (z. Altin, QKSHPSH).

– Ngritja e një database online në web të rasteve të referuara për zgjidhje nga aktorët lokal (Znj.Elma, Observatori Kombëtar).

-Të definohen procedurat e referimit të rasteve dhe protokolli përkatës.

Komuna Postribë dhe komuna Ana e Malit referojnë se kanë momentalisht 9 raste problematike (Komuna Postribë 5 raste dhe Komuna Ana e Malit 4 raste). Nga punonjësi i NjMF në Komunën Postribë theksohet saktësia e ligjit por aktualisht puna e kësaj njësie operon bazuar në një vullnet të mirë dhe moral individual për të zgjidhur rastet problematike. Të detajohet përshkrimi i punës së punonjësit të NMF në Komuna dhe ti kërkohet pushtetit vendor shtimi i përsonelit apo punonjësve në këtë strukturë (Z.Dashamir, NjMF Postribë).

– Mungesa e psikologut në shkolla të komunës mbetet një çështje për t’u adresuar. Në komuna nuk ka psikolog ndërsa në qytet një psikolog fuksionon për 2500 nxënës dhe kjo ngarkesë nuk lejon fuksionimin cilësor të detyrave të psikologut të nxënësve.

– Nga programi SOS Fshatrat e fëmijeve adresohet problematika e 3 të rinjve jetim lidhur me strehimin dhe përfshirjen në ndihmë ekonomike. Gjithashtu bëhen evidente problematikat e të rinjve jetim të cilët dalin nga jetimorja dhe kanë vështirësi në përfshirjen në jetën sociale dhe shpeshherë bëhen edhe pre e abuzimeve. (Znj. Jonida, SOS Shkodër).

 

Punoi:

Anilda Gurakuqi (Shestani)

Eksperte Observatori për të Drejtat e Fëmijëve, Shkodër 

Observatori Shkodër – 20 nëntor 2011

Në kuadër të 20 Nëntorit, Ditës Ndërkombëtare për të Drejtat e Fëmijëve, Observatori Shkodër në bashkëpunim me zyrën ACA në këtë qark, organizuan aktivitetin ndërgjegjësues për të drejtat e fëmijëve. Pjesëmarrës në këtë veprimtari ishin përfaqësues të Këshillit të Komunës, mësues dhe prindër. Veprimtaria konsistoi në pjesëmarrjen e fëmijëve të shkollave 9-vjeçare. Fëmijët me anë të esseve dhe vizatimeve shprehën mendimet lidhur me të drejtat që ata gëzojnë.
Qëllimi kryesor i kësaj veprimtarie ishte promovimi i të drejtave të fëmijëve tek institucionet të cilat kanë lidhje të drejtpërdrejtë me ta, tek mësuesit, prindërit si dhe tek vetë fëmijët. Për këtë arësye në nisje të aktivitetit, Observatori Shkodër bëri një prezantim me qëllim informimi mbi Konventën e të Drejtave të Fëmijëve.
Në përfundim të kësaj veprimtarie, fëmijët u shprehen entuziast dhe organizatorët gjithashtu, duke shprehur interesin për të organizuar dhe veprimtari të tjera në të ardhmen.